أولا بدي اشكرك على كل لحظة سمعتيني فيها حتى لو كانت احاديثي مش منظمة و فايتة ببعضها. لما بلشت معك كان هدفي افهم ليش فشلت علاقتي السابقة و ليش عندي تعلق بالاشياء القديمة. الطريق ما كان سهل، دائما بمرحلة التعرف على الذات و فهمها، منكتشف اشياء اعمق ب كتير. اشياء يمكن نسيناها او ما كنا عارفين انها موجودة. بتذكر كل مرة حكينا فيها عن جرح الاب، كانت تنزل دمعتي قبل ما احكي اي كلمة. فتحتيلي عيوني على كتير قصص، فهمت اشياء من طفولتي، و اتعلمت كيف اتقبلها و غير ردات فعلي اتجاهها. لما فهمت اشياء كتير خفّت عصبيتي و زاد تعاطفي مع نفسي. من سنة كنت اقعد مع حالي و مش فهمانة شي، كنت خاف واجه او احكي، ما كنت اعرف ارسم حدود، و لا كنت اعرف من وين اخد قيمتي لنفسي. اليوم و بعد تدريب ٦ اشهر، اتغيرت كتير، فعليا صرت انسان تاني. صرت شخص عم يواجه، ما بخاف يحكي رأيه، ما بيرضى بأي شي على نفسه، و صار عندي قوة لحقق احلامي. ما في كلام بيقدر يعبر قديه ممتنة الك و لوجودك بحياتي ❤️ بتستاهلي اكتر من هيك بكتير

شكرا حبيبتي على وجودك اليوم بعد الثيرابي استشعرت كيف انك عم تساعديني اتقدم وما أضل شايفة الأمور بنفس الطريقة القديمة فبالتالي ما احبس نفسي في نفس المكان إلي كنت أبقى فيه. أنت نعمة

رحلتي مع التشافي و العلاج النفسي صرلها سنين و ولا مرة ندمت انو اخترت هالطريق بالعكس انعكاسه على طاقتي و عقليتي و حياتي كتير كبير بهالرحلة قطعت مع كذا معالجة و كل وحدة الها أثرها و لمستها و طريقتها بس هالمرة الجلسات غير مستوى غير ✨✨✨✨ مثل م بتهتموا بصحتكن الجسدية خلو صحتكن النفسية أساس ? بس تكونوا مرتاحين من جوا، كلو بينعكس عليكن من برا

Hi zeina , thank you so much b3d kza couple session ktir hase 3am nelmos l natije ana w jawze , oslobek w kel shi 3am t2admilna ye 5alena nefham halna w nefham b3d aktar la 3ale2a sahiha , nshala kel shi bdom w y3tike alef 3afye 3a kel shi bt2dmilna ye ????

اليوم كانت رابع جلسة بدي قلك هون متل ما خبرتك قبل طاقتك و شطارتك و احترافيتك و انسانيتك رائعين فخورة جدا اني عم اشتغل على حالي معك و انا اكيدة رح اوصل لأفضل نسخة مني ? ممتنة لإلك و شكرا على كل الحب و الامان يلي بتعطين بجلساتك ?

سلام حبيبتي كيفك؟ بس حابة خبرك قدي انا ممتنة للفترة يلي حكيت فيها معك بدي خبرك انو حياتي الحمدلله تمام، في طلوع و نزول اكيد، شغلي تمام ? و بدي خبرك اهم شي عملتو هيدي السنة انو انقبلت كفي حلم حياتي دكتوراه بالكيمياء الحيوية (biochemistry) و خلصت اول سنة المواد كلها بدرجة امتياز و مع كل الصعوبات و المسؤوليات اني كنت زوجة و ام و مسؤولة عن البيت و شغلي الخاص، و هلا صار وقت البحث العلمي و كمان نشرت بحث علمي باسمي الحمدلله حبيت شاركك بفرحتي و الك شكرا الك انك كنت بأصعب وقت معي صح من سنتين بس كان اصعب وقت عندي لأن كنت ضايعة و مبلبكة و مش عارفة كيف وازن بين طموحي و انا شو بدي و بين مسؤولياتي كتير ممتنة لمعرفتك و بحبك كتير

شكرا زينة بسبب جلساتك قدرت أتصالح مع كتير مواقف دفينة جواني ما تخيلت أبدا انها كانت سبب في توتري المتواصل وعصبيتي الغير مبررة مع ولادي وزوجي وعائلتي صرت قادرة أسيطر على ردات فعلي وافهم حالي اكتر جلسات التشافي رجعت علاقتي بأختي واخي افضل من اول مثل السحر بدون مبالغة رجعتلي ثقتي بحالي وبشخصيتي ورتبت كتير مفاهيم ملخبطة جواني وصرت اكتر ادراك للنسخة الأفضل مني

نتيجة جلساتنا سوا ?? 1. Batal hame kun lah hame 7el mashkel w usal la natije torde tarafen 2. Batal hame el3ab dor daheye la yeshfa2 3laye el gher bwejeh w sari7a ma3 7ale 3. Karar wa2f na2er dafiri w e3tene b jesme 3an hob la2n balashet 7eb 7ale 4. Ma hame a3mel effort la el kel yhebne hame kun ana w ele bado yhebne yhebne metl ma ana 5. La2et 7ale w 3rft shu bade w kararet w balashet beauty course men b3d ma Kent day3a shu momken a3ml la orde ghayre 6. Ma ba2 seyer 7ada 3a hseb 7ada aw 7seb 7ale 7. Itahet w ktafet b bayte w 3aylte w tomu7e w la wen bade usal badal ma eshghel 7ale b ashya fadye 8. Wa2ft dawa el mane3 w kenet khotwe ktir kbiri ghayaretle nafsiti ktir sert fresh happy mum 9. 3am estamte3 b kel lahza ma3 wlede w jawze w ader kel shi 7elo b hayete batal terkizi 3a shu na2sne w 3a shi salbi sert more positive 10. Ma ba2 7ada bara 3am be2aser 3a nafsiti w mazeje b bayte 11. Ma ba2 hame elfot nazar jawze la min gholet m3e w ehki b 3alam ma ela feyde b hayetna w netkhana2 12. Sert aktar wa3ya aw a3r 3nde noduj kif et3amal ma3 7ale w bayte w wlede w jawze kif Ken aktar rawa2 kif a3rf wa3eyon aw 7el mashkal bayne w Ben hilal 13. 3am kun sat7eye ma3 nes bara la ma enza3 w fut b mashakel ma ela 3aze w osrof ta2te 3a shi bala ta3me la b2areb ktir w la ba3d ktir 14. Batal hame ghayer 7ada hame dal 3am 7eb 7ale w et3rf 3a 7ale la2n men hon b3rf etsaraf b kel shi tene hwalaye 3am etsala7 ma3 kel shi beshe3 mar2t fi aw 3alam salbeye mar2t b hayete w ader shu t3lmt men kel tajrobe

Zeina the Hypno therapy kain Waw it blowed my mind. Before our session ana ma kain 3endi any idea what we will do wala t5ayalet sho rah na3mel. During the session ana w bil image in my head without any control tol3o l haki the emotions la hala2 ma 3am be3ref kif tol3o, bas lama tol3o ma feyeh 5abrik l relief li ana haset fi hek mitil pressure 3ala kil jesmeh kilo w shilti. Hata ana all day rey2a hata law hada bi wijji m3aseb 3am bitala3 leh sho fi and I am laughing. Sho ma rah 2ehki mano mitil li ana 3am heso bil sho3or. W adeh shtagalet ma3 therapists before ma hada removed l5an2a gayrik kinit haseh rouheh 3am tmout abel ma hkiki. 2ad ma betshakarik not enough. Inti gayarti w 3am t8ayri hayeteh kila. 3am bistamte3 bil healing journey me3ik. I love you ❤️?

الحياة مش عطول بتكون لطيفة معنا، ومش كل ايامنا بتكون حلوة... في قصص حلوة ما بتنتسى وفي وجع كبير بضلّو محفور بقلبنا وذاكرتنا... في اشياء سيئة منمرق ضلها، منتخطاها بسرعة ومنكفي حياتنا عادي... وفي اشياء بتأذينا كتير لدرجة منحس حياتنا وقفت عندها... وبتضل تاكل فينا وتحرقنا... ومنضل نحاول نتخطى بس الوجع كبيييير كيف!... هيدا بالظبط لي صار معي... مرقت بشي ما بتمنّاه لحدا... والسنة والسنتين وحتى تلاتة ما كانو كافيين لاتخطاه... لما رفيقتي قالتلي جربي زينا بتساعدك ما فكرت حتى... ولما اختي نصحتني كمان ما اقتنعت انو صرلي سنين بحاول شو ح تقدر تعملي... زوجي كمان دعمني وما ندمت صدقوني.. زينا خلتني اندم انو يا ريت لو رحت لعندها قبل، ضيعت عليي كتير وقت من حياتي بالزعل واللوم... ما بعرف كيف اوصف التجربة مع زينة هوي سحر عنجد... هيي حدا بعقد وقفت حدي كرفيقة، وانا عنجد ما بصدق لما قول تخطيت الوجع معها بعد ما كنت مفكرة هالشي مستحيل... ما بنسى بعد كل تمرين بتعطيني ياه كمية الراحة لي بحس فيها وانو عنجد في حمل تقيل عم يطلع مني... بظن لي جربو زينا ح يعرفو شو عم بحكي... زينا الزين انت حدا بعقد ضميرية ومريحة كتير وداعمة... عنجد شكراً انا مبسوطة يلي وصلتلوا معك ما بتصدقي الحياة كيف بلشت تتلون بعد ما كانت أسود وأبيض ❤️

بونجور زينة، thank you كتير والله. شكراً إنك ساعدتيني بالموضوع اللي كان كتير كبير براسي، وهلّق عم بلّش شوف النتيجة وشوف الأمور متل ما لازم. Session عن session عم يتغيّروا كتير أشياء والله. Thank you كتير ?

هلو زينة، لما حكيتك بأول session ما تخيّلت إنو خلال شهرين رح خلص من كتير شغلات صرلها أكتر من 10 سنين عم عاني منها، من خلال الـbreathing therapy. إنتِ قلتيلي وقتها: “It’s reborn”، وأنا بقلك عنجد حسّيت حالي عم انخلق من جديد. من أول أسبوع بالـbreathing حسّيت إنو حياتي بلشت تتغيّر، وأنا بلشت أتغيّر معها. الخنقة والغصّة اللي كنت حس فيهن راحوا. وعلاقات سامة بلشت تطلع من حياتي. وعلاقتي مع بيّي كأنها انخلقت من جديد بالصورة اللي أنا كنت بتمنّاها، وهالشي مبسّطني كتير. طاقتي تغيّرت، وصار عندي positive thinking أكتر. وحتى لو في شغلات بالمحيط بعدها بتجيبلي negativity، صرت أعرف كيف أتعامل معها وما خليها تزعجني وقت طويل متل قبل، ولا ضل overthink فيها. عنجد أنا شخص جديد. حتى طريقة تفكيري تغيّرت، ونظرتي للحياة تغيّرت. وإنتِ كنتِ قلتيلي إنو لما أنا أتعافى، ولادي كمان رح يتأثروا معي… وهيدا الشي أنا حسيته فعلًا. حسّيت إنو الـenergy عندن تغيّرت معي. Can’t wait to see what this new me will bring in the future. إنتِ عملتي magic بحياتي يا زينة. Thank you كتير، وكل الحب بهالدني ما بيكفّي على كل شي غيّرتيه بحياتي. ❤️❤️❤️❤️

اليوم لما عملت timeline عطاني احساس كتير مريح لما خلصنا، اتخلصت من مشاعر مكبوتة بنفس الوقت عطاني قوة وشجاعة لاتخطى اي شي ممكن يصير، فهمت اكتر كيف اتعامل مع المشاعر السلبية عنجد من اهم therapy لي اختبرتا ومتل ما بقلك كل ما شوفك اول شي كتير بحبك و تاني شي بحمد الله انو عرفني عليكي وصرتي جزء من حياتي شكرا من القلب ??

سلام حبيبتي انا الي شهر تقريبا عم باخد علاج معك بصراحة انقلبت 180 درجة صار عندي سلام داخلي و واضحة مع حالي كتير و عم اقدر نظم وقتي و كون رايقة بوقت العصبية و ساعدني كتير التنفس صرت عم طلع كل شي جواتي و كون متسامحة اكتر شكراً كتير الك على هيدي المساعدة و الوضع لوصلتله

أول شي أنا كتير ممتنة لوجودك بحياتي، وشكراً كتير على كل دقيقة عطيتيني ياها من وقتك. تاني شي أنا كتير مبسوطة بالنتيجة المذهلة اللي قدرت أوصلها بمساعدتك، وبهالوقت القصير. عنجد أكتر شي فاجأني هو سرعة التغيير اللي صارت. فتت لعندك إنسانة محبطة… وطلعت إنسانة تانية كلها حيوية وطاقة. قد ما إحكي، الحكي ما رح يعطيكي حقك. عنجد شكراً كتير من القلب. شكراً على طاقتك الإيجابية، وشكراً لكل دقيقة سمعتي فيها. الله يوفيكي تعبك. كتير بحبك ???

كنت مفكرة إنو إذا الإنسان بيحب وبيعطي كل شي عنده، علاقته مع شريك حياته أكيد بتنجح. وكنت مفكرة إنو طبيعي هيدا الشخص يكون كل شي ومحور حياتي، وما حس بالراحة إلا إذا كان معي. مع إنو العلاقة كانت جدًا سامة ومؤذية، وعم ترجعلي وجع أكبر بكتير من الحب والتفاهم. وبالنسبة إلي، كنت حاسة إنو إذا خسرت هيدا الشخص بخسر حياتي. لحد ما فهمت إنو هيدا اسمه تعلّق… وإنو التعلّق ممكن يكون مؤذي كتير للشخص. لحد ما اكتشفت زينة، هالإنسانة الرائعة اللي حتى التطلّع فيها بيعطيني positive vibes ? ساعدتني كتير لحتى بلّش فك هيدا التعلّق اللي كان عم يأذيني. وهلّق فعلًا، وبعد مدة بسيطة، حاسة إني إنسانة تانية. بلّشت حس عنجد إني ما بقى متعلقة بهيدا الشخص متل قبل، وما بقى هو محور حياتي كلها. زينة، أنا بشكرك كتير وبحبك كتير ???

Someone told me about healing That it helps you with your emotions. at first I didn’t believe it but I said to my self why not at least try and when I tried it. It helped me alot with my fear that I couldn’t be fixed by myself and the results were huge. It changed everything.

صرلي سنين مش مرتاحة، ومشاعر الخوف والوسواس من المرض والموت مرافقتني. سنين وأنا عم عاني، والحواليي كمان عم يعانوا معي. من أول جلسة معك ما توقعت إرتاح بهالسرعة، ولا توقعت نفسيتي تتحسن بهالشكل. وحتى ما توقعت إني إرتاح لشخص وأوثق فيه وأحكي عن مشاعري ومخاوفي بهالسرعة. كتير اتحسنت. صرت أعرف كيف إفهم مخاوفي، وكيف سيطر عليها وأتعامل معها بدل ما هي تسيطر عليّي. وصرت عم عيش براحة نفسية وطمأنينة ورواق ذهني أكتر… كأني إنسانة تانية. بشكرك من قلبي يا زينة، لأنك عنجد بتعطي من قلبك. ?

هاي زينة، بدي قلك thank you كتير من كل قلبي على كل كلمة وكل لحظة ساعدتيني فيها. إلي شهر مبلّشة بعلاج التنفّس معك، وعنجد بالأول ما كان عندي هالـexpectations. حاسّة حالي روح جديدة وقلب جديد، وتفكيري تغيّر كتير وصار positive أكتر. حتى لما تمرق عليّي أوقات كون down، بلا ما حس بترجع عندي الـpositive energy لحالها. علاقتي مع ماما أحسن، ومع ولادي أحســــن بكتيررر. كنت بحاجة لإنسان متلك بصراحة يساعدني حطّ النقاط عالحروف. مرات بحس ما بعرف شو عم يصير، في أشياء جديدة عم تتغيّر، بس كأنو كل شي عم يتوضّح قدامي لحالو، من دون ما إطلب أو إعمل مجهود كبير. I highly recommend التنفّس، عنجد حياة جديدة وشخصية غير. صرت عنجد لاقي حالي عم بعطي حالي الأمان والحنان بدل ما إطلبهن من حدا، وعرفت قيمة حالي أكتر. Thank you a lot. إنتِ أكتر إنسان الله حطّه بطريقي وساعدني نفسيًا وجسديًا، وحتى طاقتي تغيّرت. الله يعطيكي ألف عافية من كل قلبي. بتستاهلي أكتر ❤️

صرلي سنين مش مرتاحة، ومشاعر الخوف والوسواس من المرض والموت مرافقتني. سنين وأنا عم عاني، والحواليي كمان عم يعانوا معي. من أول جلسة معك ما توقعت إرتاح بهالسرعة، ولا توقعت نفسيتي تتحسن بهالشكل. وحتى ما توقعت إني إرتاح لشخص وأوثق فيه وأحكي عن مشاعري ومخاوفي بهالسرعة. كتير اتحسنت. صرت أعرف كيف إفهم مخاوفي، وكيف سيطر عليها وأتعامل معها بدل ما هي تسيطر عليّي. وصرت عم عيش براحة نفسية وطمأنينة ورواق ذهني أكتر… كأني إنسانة تانية. بشكرك من قلبي يا زينة، لأنك عنجد بتعطي من قلبك. ?

Someone told me about healing and how much it can help with emotions. At first, I honestly didn’t believe in it, but I told myself, why not at least try? When I finally did, it helped me so much with fears I had been struggling with and couldn’t fix on my own. The results were huge for me. It genuinely changed so much.

هاي حبيبتي زينة، بدي قلك شكراً من كل قلبي على كل شي عملتيه معي ❤️ بعد الجلسات قدرت أتخطّى بوقت قصير أشياء كنت مفكرة بدها سنين، وصرت شوف الحياة من زاوية مختلفة وأفهم مشاعري وأتعامل معها أحسن. والأغرب إنو حتى الأشياء اللي كنت خاف منها، صرت حب جرّبها وواجهها… وهيدا شي ما كنت أتوقعه أبدًا. مرات برجع بتذكر كيف كنت وبقول: معقول أنا كنت هيك؟ أكيد إذا احتجت بأي مرحلة بحياتي مساعدة، إنتي أول شخص رح إحكيه. عنجد معرفتك كانت blessing بحياتي. شكراً من كل قلبي ✨❤️

خلص أول cycle وبلش التاني… والغريب إني بلشت حس إنو ما بقي عندي هيدا الغضب تجاه بيّي. بطلت شوفه سبب لأحزان الماضي، وصرت شوفه شخص عم يحاول يعطيني شي بالحاضر. بطلت الشخص الغضبان من بيّو، وصرت حاسة إني متقبلة الأب اللي عندي، مسامحته، ومستعدة عيش المستقبل معه بطريقة مختلفة. عالعيد، لأول مرة، كان هو الشخص اللي اخترت إظهر معه… وانبسطت بهالشي. وصرت كل فترة قرّب لعنده، بوسه وإشكره… شي ما كنت أتخيل يومًا إني أعمله. بالمختصر: في شي تغيّر. بابا تغيّر، أنا تغيّرت، والعاطفة بيناتنا تغيّرت. بلشت cycle 3 وأنا ناطرة أشوف شو بعد رح يتغيّر بهدوء، من دون ما نحس. ?

أول ما سمعت عن الـBreathing Therapy قلت: “شو خص التنفّس بعلاقتي مع بابا؟ معقول شي ما تزبط بـ30 سنة يتغيّر بهالطريقة؟” وقبل ما يخلص أول cycle، صار موقف معه ولقيت حالي أنا اللي قربت، بوسته ومشيت… شي ما كنت أتخيّل أعمله، خصوصًا إنو قبل كنت أتوتر حتى لو قرب مني. مع الـcycle التاني، بلّشت حس إنو الغضب اللي شايلته تجاهه عم يخف. بطلت شوفه بس كسبب لأحزان الماضي، وصرت شوف الشخص اللي عم يحاول يقدّملي شي بالحاضر. وصرت حاسة إني متقبلة الأب اللي عندي، مسامحته، ومستعدة عيش معه المستقبل بطريقة مختلفة. عالعيد، لأول مرة، كان هو الشخص اللي اخترت إطلع معه… وانبسطت إنو هالشي صار. ?

Zeina the queen She enlightened me on things that were messed up in my life from personal, family, relationship, & career She helped me figure out my current values where everything was easy afterward, no worries, no overthinking, its not as if she turns your life into heaven but helping u figuring out who u are and were u stand in life, will make everything clear for taking your own decisions

من خلال رحلتي مع المدربة والمعالجة والمبدعة زينة، صعب أوصف التجربة ببضع كلمات. زينة بتتقن عملها بأسلوب مدروس وممنهج، ومعها قدرت أفهم مشاعري والأحداث اللي مرقت فيها بشكل أوضح، أحدد أهدافي، وأعرف كيف كمّل بحياتي بطريقة أهدأ وأوعى. أكتر شي ميّز رحلتي معها هو الثقة الكبيرة اللي زرعتها داخلي فيها وبقدراتها، ومع كل هالعمق كانت طيبة، حنونة، وخلّت الرحلة معها ممتعة ومشوّقة. ❤️ I love you ❤️ وممتنة جدًا لمعرفتك.

لما جيت لعندك كنت عم دور على شي حاسة إنو ناقصني، ومعك بلشت أفهم كيف أتصرف، كيف قدّر حالي، وكيف أطلع من كتير معتقدات سلبية حملناها معنا من ونحنا صغار. علّمتيني شوف الأمور من منظار مختلف، وأرجع آمن بحالي وبقدراتي، وأتصالح مع حالي وحبها أكتر. وأحلى شي صار إنك ما عطيتيني أجوبة جاهزة… دليتيني على الطريق اللي خلاني أعرف كيف بدي عيش حياتي بطريقة صح إلي. شكراً زينة من قلبي. ?

Hi coach zeina انا حابة ابعتلك كلمة نابعة من صميم قلبي تعبر عن امتنان لكل كلمة تواصلتي فيها معي معي انه مشواري معك بعده عالاول بس انا اليوم قطفت اول ثمرة من نتيجة تواصلنا قطفتها بطريقة كتير قوية وغير متوقعة وهيدا نتيجة النور التي ضويتي ع اخر النفق الي انا كنت ماشية في انا قلتلك قبل كلماتك لامست روحي بس هلا بقلك كلماتك لامست السما وحققتلي كتير اماني حلوى بطلب من ربي تضلك منورة وتعطي من نورك ومن قوتك ومن شغفك لأن الشي اللي عندك بيكفي الكون طاقة حلوة كلها حياة انشالله الله يحطك بدرب كل انسان بيكون جد بحاجة لايدك لأن بعرف رح يلاقيك ناطرة فاتحة قلبك الكبير.... بحبك كتير ❤️

Thank you so much for all your effort, Zeina. We’ve been working together for 6 months, and I can honestly see a huge change in my life. I’ve let go of so many emotions that used to control me. I’m more present, I notice the blessings I have, and I’ve learned how to accept the people around me without losing myself. Most importantly, I started facing fears that used to control so much of my life. Our weekly session has become such an important part of my routine. Keep helping people the way you do. ?

حبيبتي زينة، thank you عنجد على كل شي عملتيه معي ❤️ صار معي كذا شغلة من كم يوم، والمفاجأة إني قدرت مرّق فيها وأتعامل معها. من ورا شغلنا سوا صرت much more calm، وأقل overwhelmed… بصراحة حسّيت إني بطلت عيش بهالحالة متل قبل. كتير merci يا زينة، big hug قد الدنييي ❤️ ومتأكدة إنو الفترة الجاية رح تكون أهون وأقدر أتعامل معها بطريقة أحسن.

هاي زينة حبيبتي، كيفك؟ ? حبيت قبل ما نام قلك شكراً على كل session وكل مرة ساعدتيني فيها. صارلنا تقريبًا سنة ونص سوا، بهالفترة مسكتي بإيدي وساعدتيني أفهم حالي وأمشي بطريق أوضح إلي. وحتى هلّق، مع الظروف الصعبة اللي عم نمرق فيها، عم حس إنو الشغل اللي عملناه سوا عم يساعدني ضل واقفة وحاول كون منيحة قد ما بقدر. صرت أفهم مشاعري أكتر، حاول إحضن حالي والناس اللي بحبهن، وأتّكل على الله. بحبك كتير، وشكراً من قلبي على كل هالفترة. ❤️

بدي إشكرك لوجودك بحياتي، لأنك كنتِ سبب مباشر برجعة علاقة كانت مدمّرة… وصارت غير معك. رجعت مستقرة، والأهم إنها رجعت على أسس واضحة وصريحة. زينة، إنتي أرشدتي زوج وزوجة للطريق اللي لازم يكفّوا فيه سوا، وبأسلوب واضح من دون ما تاخدي جانب أي واحد منا. معك تعلّمت أعرف شو بدي، وحط حدود، وأحكي بوضوح بدل ما ضل ساكتة أو انفجر. أكيد في أشيا كتيرة بعد، بس مهما حكيت بحس بيضل قليل. شكراً من قلبي ??